Many kama okuwe. Be diher yudo ber mathoth sama itimo puonjruok ma mari iwuon? Inyalo temo tiyo gi paro ma luwogi mondo okonyi timo mano:

• Bed kama okuwe. Ka nyalore, many kama ok ochido kendo ma nigi ler moromo. Inyalo manyo mesa mowinjore kod kom maber minyalo betie sama isomo, kata inyalo yiero bedo oko, kamoro mokuwe.

• Many kama inyalo betie kar kendi. Yesu noyiero dhi lemo “gokinyi mang’ich” ka en “kar kende.” (Mar. 1:35) Ka ok inyal yudo kama inyalo betie kar kendi, nyis joodu kata joma idakgo chon chieng’ ma ibiro puonjorie mondo kik gichochi.

• Ket pachi e puonjruok. Tang’ gi gik ma nyalo gali. Ka po ni itiyo gi simu kata tablet sama ipuonjori, kete e yo ma ok obi chochi. Ka iparo ni nitie gimoro monego itim, ndike piny mondo ibi itime bang’ puonjruok. Ka po ni ichako winjo ka wiyi opong’, yue matin. Inyalo wuok matin mondo iwuothi.