Jonyuol nigi ting’ maduong’ mar puonjo nyithindgi mondo giher Jehova. (Efe. 6:4) Riwruok mar oganda Jehova oseloso gik mopogore opogore ma nyalo konyo jonyuol chopo ting’no. Ere kaka inyalo tiyo gi gigo e puonjo nyithindi?

• Dhi e websait mar JW.ORG. Kanyo ibiro yudo gik molos ne joma tindo, kendo gigo oriwo vidio kod gige ndiko kata goro. a Mondo iyud gigo, ndik ni “Nyithindo” kata “Rowere” e sanduk mondik ni “Many.”

• Yier gik mowinjore gi nyathini. Inyalo yiero gik mowinjore gi nyathini e bwo kama ondik ni “Nyithindo.” Mondo iyud gigo, ndik ni “Gik Minyalo Tigo e Lamo mar Joot,” e sanduk mondik ni “Many.”

• Kaw thuolo mondo iwuo e wi wechego gi nyithindi. Kik iti gi vidiowa kata bugewa mana ni mondo igalgo pach nyathini. Kar mano, ti kodgi e konyo nyathini mondo olos winjruokne gi Jehova.