Pamela wacho niya: “E kinde ma nithiedha, najawinjo ka aluor ahinya. To sa asaya ma nalamo Jehova Nyasaye, nawinjoga ka chunya okue, kendo pacha ne nyalo tiyo malong’o. Pod awinjoga rem sa te, kata kamano, lemo miyo asiko ka an gi paro malong’o. Sama ji penja ni awinjo nade, adwokogiga ni, ‘Rem to an-go, kata kamano, mor to pod amor amora!’”

Ok ochuno ni warit ma wabed matuo kata wayud chandruok moro e ka wachak lemo. Waduto waromoga gi pek moko e ngima​—madongo kod matindo​—to wagomboga ni wayud teko mar nyagore kodgi. Be lemo nyalo konyowa e seche kaka mago?

Muma wacho kama: “Bol ting’ mari kuom Jehova, to obiro konyi. Ok obi weyo ng’at makare opodhi.” (Zaburi 55:22) Mano hoyowa, donge? Omiyo, lemo nyalo konyi nade? Sama ilamo Nyasaye e yo makare, obiro konyi mondo inyagri gi pek miromogo.​—Ne sanduk ma wiye wacho ni, “ Gik Minyalo Yudo Kilemo.”