Ji mang’eny e piny ngima onge gi chiemo kod udi. Jomoko to onge gi geno moro amora e wi kinde ma biro. Ere kaka konyo joma kamago nyalo miyo Nyasaye oguedhwa?

“Ng’at ma kecho jachan holo Jehova, to obiro chule nikech gik mosetimo.”​—NGECHE 19:17.

Yesu nogoyo ngero mar ng’at moro ma jomecho nogoyo nyamin anega moweye e bath ndara mondo otho. (Luka 10:29-37) Ng’at moro ma ne ok ong’eye e ma nokonye. Ng’atno nokonye kata obedo ni ne oa e oganda mopogore.

Ng’atno ne ok oyweyone mana adhondene kendo miye gik ringruok kae to oweye aweya kamano; nohoye momanyone ot ma ninyalo ritee maber.

Ngerono puonjowa ang’o? Yesu nonyiso ni dwarore ni wakony joma chandore e yore duto ma wanyalo. (Ngeche 14:31) Ndiko Maler wacho ni machiegnini, Nyasaye biro golo ne dhano dhier kod chandruok. Kata kamano, wanyalo penjore ni, obiro timo mano nade kendo karang’o? Sula ma luwo lero gueth ma Jachuechni ma jahera osingoni.