Yesu Kristo Kaka Puonjne Mulo Ngima Ji

“Kuom adier, wach mosewachi higini mathoth e wi jal mawuok Kapernaum en ni wechene podi mulo chuny ji mang’eny.” *​​—⁠JANDIKO GREGG EASTERBROOK.

WECHE nigi teko. Weche moyier e yo maber nyalo mulo chuny ji, kelo geno, kendo loko ngima ji. Onge ng’at mosewacho weche ma nigi teko maloyo ma ne Yesu Kristo owacho. Jal ma ne owinjo ka Yesu golo Twak mar Got, bang’e nondiko kama: “Ka ne Yesu otieko wechegi, oganda nowuoro ngang’ kuom puonjne.”​​—⁠Mathayo 7:⁠28.

Nyaka chil kawuono, e piny ngima ji ong’eyo weche mang’eny ma Yesu nowacho. Non ane moko kuom wechene makonyo ahinya.

“Ok unyal tiyo ni Nyasaye kendo ni mwandu.”​​—⁠Mathayo 6:⁠24.

“E momiyo gigo duto mudwaro mondo ji otimnu, un bende timnigiuru kamano.”​​—⁠Mathayo 7:⁠12.

“Miuru Kaisar gi Kaisar, kendo gi Nyasaye miuru Nyasaye.”​​—⁠Mathayo 22:21.

“Miyo kelo gueth moloyo kawo.”​​—⁠Tich Joote 20:35.

Yesu ne ok owacho mana weche minyalo par kende, to notimo gik mamoko bende. Wach ma nolando ne nigi teko nikech wachno ne nyiso adiera e wi Nyasaye, ne puonjo ji kaka ginyalo bedo gi ngima maber, kendo ne nyiso yo ma ne idhi tigo e tieko chandruoge duto mag dhano, ma en Pinyruodh Nyasaye. Ka wanono wachno e ite maluwo, wabiro neno gimomiyo weche Yesu podi mulo “chuny ji mang’eny.”

[Weche moler piny]