Kinde Maok Owinjore Wanind
Puonj Nyithindi
Kinde Maok Owinjore Wanind
DONGE en adier ni sama in e skul ok ber nindo. Nyithindo mang’eny winjo ka nindo bironegi sama gin e klas kata kamano, mondo giyud puonj, nyaka ginen. Nyalo bedo ni in bende ijadhi e chokruoge mipuonjruokie Muma.
Inyalo timo ang’o mondo nindo kik loyi?— * Achiel kuom gima nyalo konyi en nindo chon. Nyalo bedo ni nindo matin bang’ chiemo modiechieng’ bende nyalo konyi. We wane ane gima wanyalo puonjore kuom gima notimore ne rawera moro ma nindo notero e chuny otieno sama jaote Paulo ne golo twak. Som ane ei Muma e bug Tich Joote sula mar 20, kwan matindo 7 nyaka 12, mondo ine gima ne otimore.
Noyudo Paulo limo kanyakla ma ne nitie dala mar Troa, ma ne ni e dho nam. Muma wacho ni Paulo “noikore ni kinyne oa” koidho yie. Omiyo “noyalo nyaka odiewuor.” Wasomo niya: “To wuowi moro ma nyinge Yutiko nobet e otuch, mi nindo nochako tere mosmos, ka Paulo noyalo aming’a.” Ang’o ma ne otimore bang’ mano?—
Yutiko nopodho wuok e dirisa “koa e ot moluow malo mar adek.” Paulo kaachiel gi jomamoko ne oringo ka gilor piny mapiyo kaka nyalore. Yutiko ne ni piny e lowo—nosetho! Parie kuyo manyalo bedo ni ne gin-go!— Muma wacho ni Paulo ne okawe mokwake. Matin nono Paulo ne okok gi mor niya: ‘Weuru ywak, ongima!’ Nyasaye nochiero Yutiko!
Ang’o mwanyalo puonjore e wi Nyasaye kuom gima notimore ne Yutiko?— Achiel kuom gik mwapuonjore en ni Jehova, Wuonwa me polo, nyalo chiero dhano mosetho, moriwo koda nyithindo matindo, ma gibed mangima kendo. Jehova ong’eyi maber chuth kendo oheri moloyo kata jonyuolni. Kane Yesu nie pinyka, nonyisowa kido mar Nyasaye kane okawo nyithindo e bedene kendo gwedhogi. Bende nochiero nyithindo, moriwo koda nyako ma jahigini 12.
Ng’eyo ni Wuonu me polo oheri miyo iwinjo nade e chunyi?— Donge mano miyo wan bende wahero Jehova kendo wadwaro timo gima owacho? Be ing’eyo kaka wanyalo nyiso ni wahero Nyasaye?— Yo achiel en kuom nyise ni wahere. Yesu nowacho niya: “Ahero Wuoro.” Kata kamano, Yesu notimo mang’eny moloyo mana wacho ni ohero Nyasaye. Nonyiso mano kuom timbene.
Yesu ne winjo Nyasaye. Nowacho niya: “An atimo malong’one ndalo duto.” Wan bende, ka watimo kamano, wabiro timo duto mwanyalo mondo kik wanind sama ok owinjore mondo eka wamor Jehova koda Wuode Yesu.
Som ei Muma Mari
[Weche moler piny]
^ par. 4 Kapo ni isomo gi nyithindo, dash moket en ni mondo oparni ichung somo matin kendo ipenj nyithindogo penjono.
Samoro Inyalo Hero Magi Bende
OHINGA MAR JARITO
Yesu Kristo—Onego Wanene e Yo Mane?
be onego wapar Yesu mana ka en nyathi matin? “Joma riek” ma ne obiro neno Yesu ne gin ng’a gini? Ang’o ma Yesu timo gie sani?
OHINGA MAR JARITO
Nyasaye Nyalo Winjo Malit—Ang’o Mwanyalo Timo Mondo Wamore
Be ing’eyo ni inyalo miyo Jehova obed mamor kata owinj malit? Ne kaka Adam kod Hawa ne omiyo Jehova owinjo malit.
OHINGA MAR JARITO
Ang’o Mwanyalo Puonjore Kuom Ng’at Moro ma ne En Jamahundu?
Kane Yesu chiegni tho, ne osingo ne jamahundu moro ma ne nie bathe ngima e Paradis. Yesu ne singone ang’o, to Paradisno biro chalo nade?
OHINGA MAR JARITO
Petro gi Anania Nowacho Miriambo
Ne gimomiyo moro nowene richone mar wacho miriambo to machielo ne ok owene.
OHINGA MAR JARITO
