Dwoko Penjo mag Muma
Ang’o momiyo piny onge kue?
Mana sirkal manyalo loko chuny ji ema nyalo kelo kue e piny
Muma chiwo gik moko ariyo momiyo en kamano. Mokwongo, kata obedo ni dhano osetimo dongruok mang’eny, ne ok ochwegi gi nyalo mar tayore giwegi. Mar ariyo, chenro mag dhano ok osebedo gi nyak maber nikech ‘piny duto obedo e teko mar ng’a marachno,’ ma en Satan Jachien. Mano e momiyo kinda mar dhano ok osekelo kue e piny.—Som Yeremia 10:23; 1 Johana 5:19.
Kue ok osebedo e piny nikech dhano oherore giwegi kendo gimanyo duong’. Kue ma kamano nyalo betie mana ka sirkal malocho e wi piny mangima ema okawo loch kendo opuonjo ji duto hero gik makare kendo hero jowetegi.—Som Isaiah 32:17; 48:18, 22.
Ng’a mabiro kelo kue e piny?
Nyasaye Manyalo Duto osesingo mar kelo sirkal moro achiel kende mabiro locho e wi dhano duto. Sirikandno biro kawo kar sirikande duto mag dhano. (Daniel 2:44) Yesu, Wuod Nyasaye biro locho ka en Ruodh Kue. Obiro tieko gik maricho duto manie pinyka kendo obiro puonjo ji mondo obed gi kue.—Som Isaiah 9:6, 7; 11:4, 9.
Kata gie sani, ji tara gi tara luwo kaka Yesu tayogi ka gitiyo gi Muma e puonjo ji mondo obed gi kue e kindgi. To machiegnini, piny duto biro bedo gi kue mosiko.—Som Isaiah 2:3, 4; 54:13.
Samoro Inyalo Hero Magi Bende
DWOKO PENJO MA JI NIGO E WI MUMA
Ere Kaka Ibiro Kel Kuwe e Piny?
Ne ane kaka Nyasaye osingo ni obiro kelo kuwe e piny mangima kokalo kuom pinyruodhe.
