Dwoko Penjo mag Muma
Ang’o momiyo onego wapar tho mar Yesu?
Gin ber mage ma tho mar Yesu biro kelo e kinde mabiro?
Tho mar Yesu e gima duong’ie ahinya ma osetimore e piny, mano en nikech notho mondo dhano oyud ngima ma nyaka chieng’ kendo. Ne ok ochue dhano mondo otim gik maricho kata mondo obed ma tuwo kendo otho. (Chakruok 1:31) Adam e ma nokelo richo e piny. Yesu ne ochiwo ngimane mondo oreswa kuom richo kod tho.—Som Mathayo 20:28; Jo-Rumi 6:23.
Nyasaye ne onyisowa hera maduong’ ka ne ooro Wuode mondo othonwa. (1 Johana 4:9, 10) Yesu ne onyiso jolupne mondo opar thone kuom timo sawo ma ok olichore, ka gitiyo gi makate kod divai. Timo sawono higa ka higa nyiso ni wadwoko erokamano nikech hera ma Nyasaye kod Yesu nonyisowa.—Som Luka 22:19, 20.
Gin jomage monego ocham makate kendo madho divai e sawono?
Ka ne Yesu ohango nyiso jolupne mondo opar thone, ne owuoyo e wi singruok moro. (Mathayo 26:26-28) Singruogno ne oyawo thuolo ne joma nok kende mondo gibed ruodhi kod jodolo e polo. Kata obedo ni ji mathoth e ndalogi chokore e sawono mondo gipar tho mar Yesu, mana joma nie singruogno e ma chamo makate kendo madho divai.—Som Fweny 5:10.
Kuom higni 2,000 kama, Jehova osebedo ka yiero joma biro bedo ruodhi e polo. (Luka 12:32) Kwan mar jogo tin ahinya kopim gi mar joma biro dak e pinyka.—Som Fweny 7:4, 9, 17.
Samoro Inyalo Hero Magi Bende
WECHE E WIWA
Rapar mar Tho Yesu
Higa ka higa, ji mang’eny romoga mondo gipar tho mar Yesu. Orwaki mondo ibi iwinj kaka tho Yesu nyalo konyi.
OHINGA MAR JARITO
Ang’o Momiyo Onego Wapar Tho mar Yesu?
Ji mang’eny chamoga Krismas ka giparo odiechieng’ ma nonyuolie Yesu, kod Ista ka giparo chierne. Kata kamano, ang’o momiyo Joneno mag Jehova to paroga tho mar Yesu?
PENJO MA JI JOPENJO
Ang’o Momiyo Joneno mag Jehova Timoga Sap Ruoth e Yo Mopogore gi Dinde Mamoko?
Sap Ruoth bende iluongo ni Chiemo Modhiambo mar Ruoth, kata Pasaka. En e nyasi makende ma Joneno mag Jehova timoga. Muma nyisowa weche momedore e wi nyasino.
