Dwoko Penjo mag Muma
Be wanyalo ng’eyo adiera e wi Nyasaye?
Ang’o momiyo Nyasaye dwaro ni wang’e adiera? Som Johana 17:3
Nyasaye osewuoyo gi dhano. Ne otiyo gi roho mare maler e keto wechene e pach joma ne ndiko Muma. (2 Petro 1:20, 21) Wanyalo ng’eyo Nyasaye e yo madier ka wasomo Muma.—Som Johana 17:17; 2 Timotheo 3:16.
E Muma, Nyasaye fwenyonwa weche mathoth e wiye. Okonyowa ng’eyo gimomiyo ne ochueyo dhano, gima obiro timo ne dhano e kinde ma biro, kod gik modwaro ni watim e ngimawa. (Tich Joote 17:24-27) Jehova Nyasaye dwaro ni wang’eye e yo makare.—Som 1 Timotheo 2:3, 4.
Ang’o momiyo Nyasaye ohero joma ohero adiera?
Jehova en Nyasach adiera, kendo nooro Wuode Yesu mondo opuonj ji adiera. Omiyo, joma ohero adiera ohero Yesu bende. (Johana 18:37) Joma kamago e ma Nyasaye dwaro mondo olame.—Som Johana 4:23, 24.
Satan Jachien lando puonj mag miriambo e wi Nyasaye to mano osemono ji mang’eny lamo Nyasaye e yo makare. (2 Jo-Korintho 4:3, 4) Joma ok ohero adiera e ma mor gi puonj mag miriambo. (Jo-Rumi 1:25) Kata kamano, nitie ji milionde ma chunygi nikare ma puonjore Muma, to mano miyo ging’eyo Nyasaye e yo makare.—Som Tich Joote 17:11.
Samoro Inyalo Hero Magi Bende
WECHE E WIWA
Ang’o Momiyo Onego Ipuonjri Muma?—Vidio Duto
Muma osekonyi ji tara gi tara e yudo dwoko mag penjo ma machando pach ji e pinyni. Be diher ni in be Muma okonyi?
