GIMOMIYO MANO DWARORE: Buge duto mayudore e Gik Mwatiyogo e Puonjo Ji Muma tero ji websait mar jw.org. Omiyo, nolos kad mar jw.org kod trakt ma wiye wacho ni Ere Kama Wanyalo Yudoe Dwoko mag Penjo ma Chandowa e Ngima? mondo okony ji odhi e websaitwa. Inyalo tiyo gi websait mar jw.org mondo ior ne ng’ato achiel kuom buge ma yudore e Gik Mwatiyogo e Puonjo Ji Muma, kata oro link kitiyo gi e-mail. Chenroni nyalo konyo ahinya kapo ni ilendo ne ng’at mawacho dhok mopogore gi dhok miwacho. E wi mano, ji nyalo penjo penjo moko ma dwokogi onge e bugewa manie Gik Mwatiyogo e Puonjo Ji Muma. Ka watiyo gi websaitwa, wanyalo konyo ji mang’eny e tij lendo.

KAKA WANYALO TIMO MANO:

• Ti gi kama ondik ni “PUONJ MAG MUMA.” Kapo ni ilendo ne janyuol ma dwaro ng’eyo kaka onyalo pidho nyithindo. Di kama wachoni PUONJ MAG MUMA > JOMA OKENDORE KOD JONYUOL.

• Ti gi kama ondik ni “BUGE KOD GIK MAMOKO.” Kapo ni ilendo e skul kendo idwa tiyo gi brosua mar Dwoko mag Penjo 10 ma Rowere Penjorega. Di kama wacho ni BUGE KOD GIK MAMOKO > BUGE KOD BROSUA.

• Ti gi kama ondik ni “WECHE E WIWA.” Kapo ni ilendo ne jatich wadu kendo odwaro ng’eyo gik ma wayiego, Di kama wacho ni WECHE E WIWA > PENJO MA JI JOPENJO.

NEURU VIDIO MA WIYE WACHO NI TIYO GI WEBSAIT MAR JW.ORG, KAE TO UNON KAKA UNYALO KONYO:

• ng’at ma ok oyie ni Nyasaye nitie

• ngat ma nyocha oyudo masira

• owadwa kata nyaminwa modok chien e weche Nyasaye

• ng’at ma onego idog limo ma dwaro ng’eyo kaka isiro tijwa mar lendo

• nga’t ma a e piny machielo to dwaro ng’eyo kaka onyalo dhi e chokruoge ka en e pinygi