Higa ka higa, wabedoga gi siso ahinya mar yudo chiemb chuny e chokruogewa madongo mag ndalo adek. Wabiro temo ahinya gwelo ji mang’eny kaka nyalore mondo gin bende gibi gine kaka Jehova ber. (Za 34:8) Jodong-kanyakla biro neno ni oti gi otesego e yo maber chuth e alworawa.

• Chokruogwa ibiro tim tarik adi?

• Kanyaklawa chako kampen karang’o?

• Romo mag dhi lendo itimo e odiechienge mage kod seche mage?

• Gin ang’o ma achano timo e kinde kampen ma bironi?

• Gin jomage ma daher gwelo?

Bang’ moso ng’ato, inyalo wacho kama:

“Wagwelo ji e piny mangima mondo obi e chokruok moro makende ma wabiro bedogo. Tarik, sa, kod kama ibiro timee onyis e kalatas ma wagweligoni.”

Kata obedo ni dwaher rwako ji mang’eny kaka nyalore e chokruok maduong’, sama waromo gi ng’at ma ohero weche ma walando, onego watem matek mondo watim chenro mar dok lime.

Wanyalo chiwo gasedewa e giko juma sama wagwelo ji e chokruok maduong’ mar ndalo adek.