Kal idhi e weche manie iye

Kal idhi kama ochanie weche mantie

Donj (opens new window)

Joneno mag Jehova

Yier dhok Dholuo Donj (opens new window)

SOM E

MWANDU MA YUDORE E WACH NYASAYE | AYUB 16-20

Jiw Jomoko Kendo Iteggi Kitiyo gi Weche Mang’won

TUGE

Jiw Jomoko Kendo Iteggi Kitiyo gi Weche Mang’won

Jiw Jomoko Kitiyo gi Weche ma Tegogi

Ayub nokuyo kendo chunye nonyosore, omiyo, ne dwarore ni jomoko ojiwe
Osiepene moko adek ne ok ohoye e yo moro amora. Kar mano, weche ma ne ginyiso Ayub nomedone mana lit e chunye

Bildad notiyo gi weche ma chwowo chuny ma nomiyo Ayub oywak malit

Ayub noywak ne Nyasaye ni mondo omiye kuwe, kata ka ochuno ni otho
Ayub noketo pache kuom geno mar chier kendo nodhi nyime chung’ motegno

JOMA NOHANGO NE AYUB

Elifaz:

Nyalo bedo ni noa Teman e piny Edom. Jeremia 49:7 wacho ni Teman e kama rieko duto mag Jo-Edom ne yudore
Nenore ni Elifaz ema ne hike ng’eny moloyo jowetene mamokogo, omiyo, en ema nokwongo wuoyo. Nowuoyo nyadidek kowacho weche mang’eny kopim gi kaka jowetene ariyo mamoko nowuoyo

Weche ma nohango:

Noketo kiawa e wi yie ma Ayub ne nigo kendo nonyise ni onge dhano ma Nyasaye kwano kaka ng’at makare (Ayu 4, 5)
Nohango ni Ayub en ng’at ma hedhore kendo ma ok omiyo Nyasaye luor (Ayu 15)
Nohango ni Ayub en ng’at ma ngudi kendo ma ja mibadhi. Nowacho bende ni dhano en ng’ama nono e wang’ Nyasaye (Ayu 22)

Bildad:

Ne owuok e anyuola mar Shua. Nyalo bedo ni nodak machiegni gi Aora Yufrati
En ema nowuoyo bang’ Elifaz. Nowuoyo nyadidek machuok kowacho weche machwowo chuny moloyo kata weche ma Elifaz nowacho

Weche ma nohango:

Nohango ni yawuot Ayub notimo richo kendo masira ma noyudogino nowinjore kodgi. Nowacho bende ni Ayub ne ok lam Nyasaye gadier (Ayu 8)
Nowacho ni Ayub en ng’ama rach (Ayu 18)
Nowacho ni bedo ng’at makare chal ka nono (Ayu 25)

Zofar:

Ne en Ja-Naamath, ma ne a e piny Arabia
En ema nowuoyo mogik e kind jowetenego kendo nohango weche maricho moloyo. Nowuoyo diriyo kende

Weche ma nohango:

Nowacho ni Ayub pakore gi weche manono kendo nonyise ni owere gi timbe maricho (Ayu 11)
Nohango ni Ayub en ng’at mohero richo (Ayu 20)

NGIMAWA KOD TIJWA KAKA JOKRISTO–CHENRO MAR CHOKRUOK

Jiw Jomoko Kendo Iteggi Kitiyo gi Weche Mang’won

Dholuo

Jiw Jomoko Kendo Iteggi Kitiyo gi Weche Mang’won

https://cms-imgp.jw-cdn.org/img/p/202016123/univ/art/202016123_univ_sqr_xl.jpg