NGIMAWA KAKA JOKRISTO
Ere Kaka Onego Iikri ne Rapar?
Kochakore gi higani, wabiro bedoga gi thuolo momedore mar ikruok ne Rapar mar Tho Yesu. Ka odiechieng’ mitimoe rapar en kor juma, ok wabi bedo gi chokruok mar Ngimawa kod Tijwa Kaka Jokristo e jumano. To ka odiechieng Rapar en giko juma, ok wabi bedo gi chokruok ma giko jumano ma gin twak mar ji duto kod Puonjruok mar Ohinga mar Jarito. Be ibiro tiyo maber gi thuolo momedoreno? Mana kaka Jokristo mokwongo ne timo ikruok ne Rapar, wan be onego watim ikruok ne odiechieng’ makendeno. (Luk 22:7-13; km 3/15 1) Omiyo, waduto onego waik chunywa. Ere kaka wanyalo timo mano?
-
Par matut gimomiyo onego idhi e Rapar.—1Ko 11:23-26
-
Lem kendo ipar matut e wi winjruok ma in-go gi Jehova.—1Ko 11:27-29; 2Ko 13:5
-
Som buge mawuoyo e wi Rapar kendo ipar matut kuom gik misomo.—Joh 3:16; 15:13
Jolendo moko somoga ndiko moket mondo osom e kinde Rapar mayudore e bug Nono Ndiko Pile kae to giparo matut kuomgi. Jomoko tiyo gi chenro mar somo Muma mayudore piny kae. Moko bende nonoga sula mayudore e Ohinga mar Jarito ma wuoyo kuom Rapar kod hera ma Jehova gi Yesu osenyiso. Yo moro amora miyiero tiyogo biro miyo imed sudo machiegni gi Jehova kaachiel gi Wuode ma Yesu.