Janabi Isaya noketonwa ranyisi maber mar bedo gi chuny mar chiwruok. Nonyiso ni en gi yie motegno ka noyie timo migawo ma ne omiye, kata obedo ni ne ok ong’eyo weche duto motudore gi migawono. (Isa 6:8) Donge in bende inyalo timo lokruoge moko e ngimani mondo idhi ilend e alwora ma jolendo mag Pinyruoth dwarore moloyo? (Za 110:3) En adier ni biro dwarore ni igo kwano maber kapok ikawo okang’ ma kamano. (Luk 14:27, 28) Kata kamano, ikri timo duto minyalo mondo ichiwri ne tij lando wach maber. (Mat 8:20; Mar 10:28-30) Mana kaka onyis e vidio mar Moving to Serve Where the Need Is Greater, gueth ma wayudo e tij Jehova ng’eny moloyo gik ma waweyo mondo watine.

• Gin gik mage ma jood Williams noweyo mondo gidhi gilend e piny Ecuador?

• Gin gik mage ma ne ginono sama ne giyiero kama ne gidwa dhi lende?

• Gin gueth mage ma ne giyudo?

• Inyalo yudo weche momedore kanye e wi lendo kuonde ma jolendo dwarore moloyo?

• Ere kaka wanyalo medo tiyo ne Nyasaye e okang’ malach kaka joot? (km 8/11 4-6)

• Kapo ni ok wanyal dhi lendo kuonde ma jolendo dwarore, gin yore mage ma wanyalo medo konyogo kanyakla ma wantiere? (w16.03 23-25)