16:12-15

Bedo ni ne itiyo gi ubani e odiechieng pwodho ji puonjowa ang’o?

• Lamo ma Jehova oyiego mowuok kuom jotichne chalo gi ubani. (Za 141:2) Mana kaka jadolo maduong’ ne wang’oga ubani e nyim Jehova gi luor matut, wan bende onego wanyis luor matut sama wawuoyo gi Jehova e lamo.

• Jadolo maduong’ ne nyaka wang’ ubani ka pok ochiwo misango. E yo machalo kamano, ka Yesu pok nochiwo ngimane kaka misango, ne nyaka olos yo ma ne dhi miyo Jehova oyie gi misangone kuom luwo chike mag Jehova kendo makore kode.

Ang’o ma anyalo timo mondo abed gadier ni Jehova biro yie gi misango ma achiwone?