Sama ogol jaricho motamore loko chunye e kanyakla, mano rito kanyakla kendo konyo jarichono. (1Ko 5:6, 11) Sama wariwo lwedo kum ma kamano mowuok kuom Jehova, wanyiso ni wan gi hera. Golo ng’ato e kanyakla keloga lit ne ji mang’eny moriwo wede kod jodongo ma Jehova otiyogo e chiwo kumno. Kata kamano, ere kaka riwo lwedo kumno nyiso ni wan gi hera?

Sama wariwo lwedo kum ma Jehova ochiwo, wanyiso ni ok wadwar gima ketho nyinge kendo ni wahero chikene ma konyowa bedo joma ler. (1Pe 1:14-16) Bende, wanyiso ni wahero ng’at ma ogol e kanyaklano. Kata obedo ni kum mager keloga lit, bang’e “onyago olemb kuwe ma en yor ngima makare.” (Hib 12:5, 6, 11) Ka pod wadhi nyime tudore gi ng’at ma ogol e kanyakla kata ng’at ma oweyo tudore gi kanyakla en owuon, mano nyiso ni ok wayie gi kum ma Jehova ochiwo. Ng’e ni Jehova kumo joge ‘kaluwore gi kethogi.’ (Jer 30:11) Sama wadhi nyime riwo lwedo kum ma Jehova ochiwo kendo timo gik moko duto ma biro miyo wadhi nyime bedo gi winjruok maber kode, wabedo gi geno ni ng’atno biro duogo ir Jehova Wuonwa ma jang’wono.​—Isa 1:16-18; 55:7.

NEURU VIDIO MA WIYE WACHO NI, DHI NYIME MAKORI GI JEHOVA GI CHUNYI DUTO, KAE TO UDWOK PENJO MA LUWOGI:

• En lit mane ma jonyuol ma Jokristo bedogago sama nyathigi oweyo Jehova?

• Ere kaka kanyakla nyalo jiwo joot ma ogol watgi e kanyakla?

• En ranyisi mane man e Muma ma nyiso ni makruok gi Jehova onego obed gima duong’ ahinya moloyo makruok gi joodwa?

• Ere kaka wanyalo nyiso ni wamakore gi Jehova ahinya moloyo kaka wamakore gi joodwa?