NGIMAWA KAKA JOKRISTO
Kony Nyithindi Obed gi Yie Motegno Kuom Jachuech
Chuech duto lando duong’ mar Jehova. (Za 19:1-4; 139:14) Kata kamano, piny ma Satan lochoeni jiwo weche mag miriambo e wi kaka ngima ne ochakore. (Rum 1:18-25) Ere kaka inyalo geng’o weche kaka mago mondo kik donj e pach nyithindi? Konygi ka pod gitindo mondo gibed gi yie ni Jehova nitie kendo odewogi. (2Kor 10:4, 5; Efe 6:16) Wuo kodgi mondo ing’e miriambo mipuonjogi e skul, kae to iti gi gige puonjo mantie mondo ichop e chunygi.—Nge 20:5; Jak 1:19.
NEURU VIDIO MA WACHO NI GIK MA MBESENI WACHO—YIE KUOM NYASAYE, KAE TO UNON PENJO MALUWOGI:
En miriambo mane ma ji ohero wacho e wi Nyasaye?
Ipuonjouga ang’o e skul?
Ang’o momiyo in gadier ni Jehova nitie?
Ere kaka inyalo konyo ng’ato mondo ong’e ni Nyasaye nochueyo gik moko duto?
