Ka ne Yesu obiro e piny nojiwo chik ma wacho ni: ‘Mi wuonu gi minu luor.’ (Wuo 20:12; Mat 15:4) Yesu ne ok oluor wuoyo gi ji nikech “nodhi nyime luwo” kaka jonyuolne ne chike ka pod en rawera. (Luk 2:51) Ka ne osebedo ng’at maduong ne otimo chenro mondo min-gi obi oyud rit bang’ thone.—Joh 19:26, 27.

E ndalogi bende, rowere ma gin Jokristo miyo jonyuolgi luor kendo giwuoyo kodgi e yor luor. Chik ma wacho ni wami jonyuolwa luor onge giko. Kata ka koro jonyuolwa osebedo moti, pod onego wadhi nyime miyogi luor kendo winjo puonj ma gichiwo. (Nge 23:22) Bende wanyiso ni wadewo jonyuolwa makoro oseti ka wadewo kaka giwinjo kendo konyogi e yor ringruok. (1Ti 5:8) Bed ni wan joma tindo kata wasebedo joma dongo, pod onego wadhi nyime nyiso jonyuolwa luor ka wawuoyo kodgi maber kinde ka kinde.

NEURU VIDIO MAR PICHNI MIGORO E BOD MA WIYE WACHO NI ANYALO WUOYO GI JONYUOLNA E YO MANE? KAE TO UDWOK PENJO MALUWOGI:

• Ang’o momiyo inyalo yudo ka tekni wuoyo gi jonyuolni?

• Ere kaka inyalo nyiso jonyuolni luor sama iwuoyo kodgi?

• Ang’o momiyo en gima ber mondo iwuo gi jonyuolni? (Nge 15:22)