GIMOMIYO MANO DWARORE: Nyaka ji luong nying Jehova eka giyud resruok. (Rum 10:13, 14) Kata kamano, ok ji duto mapuonjore Muma mayie dak kaluwore gi chike mag Jehova. Watiyo maber gi thuolo ma wan-go e tij lendo kuom konyo mana joma dwaro timo lokruok e ngimagi mondo giti ne Jehova. Ka japuonjre Muma ok tim dongruok bang’ kinde mowinjore, en gima nyiso rieko ka waweyo puonjore kode kendo wati gi thuolono e konyo joma Jehova ywayo mondo obi e riwruok mar ogandane. (Joh 6:44) To bang’e ka japuonjreno onyiso ni ‘chunye koro ni kare ne ngima mochwere,’ wabiro dhi nyime puonjruok kode kendo.​—Tic 13:48.

KAKA WANYALO TIMO MANO:

• Pwo japuonjreno kuom gombo ma en-go mar ng’eyo adiera manie Muma.​—1Ti 2:4

• Nyis japuonjreno ber mar tiyo gi gik mopuonjore.​—Luk 6:46-49

• Wuo kode e yor muolo e wi ngero mar jachuoyo, kae to nyise mondo onon gik manyalo mone timo dongruok.​—Mat 13:18-23

• Ti gi rieko sama ilerone gimomiyo iweyo puonjori kode

• Nyise ni pod ibiro lime dichiel ka dichiel mondo ijiwe, kendo ni unyalo dhi nyime gi puonjruok mana kotimo dongruok

NEURU VIDIO, KAE TO UDWOK PENJO MALUWOGI:

• Ang’o manyiso ni japuonjre ma waneno e vidio ne ok tim dongruok?

• Ere kaka jalendo nokonyo japuonjre mondo ong’e ni onego otim lokruok e ngimane?

• Jalendo nonyiso nade ni pod ginyalo puonjore kinde machielo?