Sama ineno maua moro maber, kata ka polo rieny, kata pi aora maburore, be inenogi kaka tije mag Jachuech? Chuech molworowa nyiso maler kido mag Jehova ma ok ne gi wang’. (Rum 1:20) Ka waparo matut kuom gik ma waneno, wabiro fwenyo teko, hera, rieko, tim makare, kaachiel gi ng’wono mar Nyasaye.​—Za 104:24.

Moko kuom chuech mag Jehova mineno pile ka pile gin kaka mage? Kata bed mana ni idak kanye, inyalo neno winy kod yiende. Nono chuech mag Jehova nyalo konyowa dwoko parruok chien, keto pachwa kuom gik madwarore moloyo, kendo medo bedo gi yie motegno ni Jehova nigi nyalo mar konyowa kinde duto. (Mat 6:25-32) Ka in gi nyithindo, konygi mondo ging’e kido mopogore opogore mag Jehova. Kaka wamedo nono chuech mag Jehova manie alworawa, e kaka wabiro medo sudo machiegni kode kaka Jachuech.​—Za 8:3, 4.

NEURU VIDIO MAR, CHUECH NYISO DUONG’ MAR NYASAYE​—LER KOD RANGI, KAE TO UDWOK PENJO MALUWOGI:

• Ang’o ma konyowa neno rangi mopogore opogore?

• Ang’o momiyo rangi moko lokorega kaluwore gi kama inenogigo?

• Ang’o momiyo waneno rangi mopogore opogore e polo?

• Gin rangi mage mag chuech minenoga e alwora midakie?

• Ang’o momiyo onego wakaw thuolo mar nono chuech?