Jo-Israel notimo tije mathoth kendo ne gitiyo gi pesa mang’eny e gero hekalu. Ne giriwo lwedo tijno gi kinda. (1We 29:2-9; 2We 6:7, 8) Bang’ tieko tij gero hekalu, yo ma ne gidhi ritego ne dhi nyiso kabe gihero Nyasaye, koso ooyo. (2Ru 22:3-6; 2We 28:24; 29:3) E kindewagi, Jokristo tiyoga gi thuologi mang’eny e gero Ute Romo mitimoe chokruoge madongo kata matindo, lwokogi, kaachiel gi ritogi maber. Tiyo kanyachiel gi Jehova e timo tijego en thuolo makende, kendo en yo achiel ma wariwogo lwedo tije maler mag Nyasachwa.—Za 127:1; Fwe 7:15.

• Timo ler bang’ chokruok ka chokruok. Tim duto minyalo mondo iwe kama ibetie ka ler.

• Bedoe sama itimo ler kata sama iloso kuonde mokethore e Od Romo marwa. Lwedo mathoth e ma yieyo tado. Kuom adier, ka ji ng’eny to tich bedo mayot kendo kelo mor.—lv 92-93 ¶18.

• Chiwo pesa. Kata ka ng’ato ochiwo ‘pesa ma mingli ariyo ma nigi nengo matin ahinya,’ kendo otimo kamano gi chunye duto, Jehova bedo mamor ahinya.—Mar 12:41-44.

• Chiwruok e gero kata loso kuonde mokethore e udi mitiyogo e tije Nyasaye kapo ni inyalo. Ok ochuno ni ng’ato obed gi lony e tije mag gedo e ka ochiwre.