Mana kaka Jehova nochano Jo-Israel, e kindegi bende, ochano joge mondo otim tich ma omiyogi. E piny mangima, bad ofisewa, kanyakla mogwaro maloso alwora, kanyakla achiel achiel, kod grube mag lendo, ochan e yo maber mondo wach maber omed landore. Walendo ne ji duto, to mano oriwo nyaka joma wacho dhok mawendo.​—Fwe 14:6, 7.

Be isegaparo puonjori dhok machielo mondo ipuonjgo jomamoko adiera? Kata ka ok inyal yudo thuolo ma dwarore mondo ipuonjri dhok machielo, pod inyalo puonjori weche moko manok mag lendo kitiyo gi JW Language app. Bang’ tiyo gi weche ma ipuonjori, inyalo bedo mamor mana kaka Jokristo mokwongo ne mor ka joma wuok e ogendni mamoko ne owinjo “tije madongo mag Nyasaye” e dhoggi giwegi.​—Tic 2:7-11.

NEURU VIDIO MA WIYE WACHO NI, BED OSIEP JEHOVA​—LEND GI DHOK MAWENDO, KAE TO UDWOK PENJO MA LUWOGI:

• Gin kinde mage minyalo tiyoe gi JW Language app?

• Ere kaka olose?

• Gin dhok mage ma ji wacho e alwora midakie?

• Inyalo timo nang’o ka ng’at milendone diher ng’eyo weche momedore to owacho dhok mawendo?​—od 100-101 ¶39-41