Samuel nomakore gi Jehova e ngimane duto. Ka ne en wuoyi matin, ne otamore donjo e timbe maricho ma yawuot Eli ma Hofni kod Finehas ne timo. (1Sa 2:22-26) Samuel nodhi nyime dongo kendo Jehova ne ni kode. (1Sa 3:19) Kata ka noseti, nodhi nyime wuotho e yore mag Jehova kata obedo ni yawuote ne ok otimo kamano.​—1Sa 8:1-5.

Ranyisi mar Samuel puonjowa ang’o? Ka pod in rawera, bed gadier ni Jehova ong’eyo pek miromogo kod kaka iwinjo e chunyi. Obiro konyi mondo ibed gi chir. (Isa 41:10, 13) Ka po ni in janyuol ma nyathine odagi tiyo ne Jehova, ng’e ni Samuel ne ok ochuno nyithinde ma ne osebedo joma dongo mondo giluw chike Jehova. Noweyo weche e lwet Jehova kendo nodhi nyime makore gi Jehova kotimo gik ma more. Samoro ranyisi maber miketo nyalo miyo nyathini oduog ir Jehova.

NEURU VIDIO MA WIYE WACHO NI, PUONJRI KUOMGI​—SAMUEL, KAE TO UDWOK PENJO MA LUWOGI:

• Ere kaka Samuel nonyiso chir ka ne en wuoyi matin?

• Ere kaka Danny nonyiso chir?

• Ere kaka Samuel noketo ranyisi maber kata ka noseti?

• Jonyuol Danny noketo ranyisi maber e yo mane?