E ndalo mag gikogi, waromo gi tembe ma korgi tek. Kinde moko, wanyalo neno ni tembe ma yudowa pek ahinya ma ok wanyal nanoe. Kata kamano, ka wadhi nyime geno kuom Jehova, to obiro konyowa nano e tembe ma nyalo nenore ni dongo kendo tek nanoe. (Isa 43:2, 4) Gin ang’o ma wanyalo timo mondo wamed bedo machiegni gi Jehova sama waromo gi tembe?

Lamo. Sama wanyiso Jehova gik ma chando chunywa, omiyowa kuwe kod teko mar nano.​—Fil 4:6, 7; 1Th 5:17.

Chokruoge. Magi e kinde ma dwarore ni wachamie chiemb chuny ma Jehova ikonwa e chokruogewa kendo bedo kanyachiel gi owete gi nyimine e chokruok. (Hib 10:24, 25) Sama waikore maber ne chokruoge, wadhi e chokruogego, kendo wachiwo paro, mano miyowa thuolo maber mar yudo kony ma Jehova chiwo kokalo kuom rohone.​—Fwe 2:29.

Tij lendo. Keto pachwa kuom gik mabeyo biro bedonwa mayot ka watimo duto ma wanyalo mondo wabed modich e tij lendo. Mano bende miyo wamedo tego osiep manie kindwa gi Jehova kod jotich wetewa.​—1Ko 3:5-10.

NEURU VIDIO MA WIYE WACHO NI JEHOVA BIRO KAWI, KAE TO UDWOK PENJO MA LUWOGI:

• Ang’o ma nokonyo Malu mondo osik machiegni gi Jehova e kinde ma noromo gi tembe?

  Your answer

• Ere kaka Zaburi 34:18 nyalo hoyowa e kinde ma waromo gi tembe mana kaka nohoyo Malu?

  Your answer

• Gik ma notimore ne Malu nyiso nade ni Jehova miyowa “teko mokalo ma pile” sama waromo gi tembe?​—2Ko 4:7

  Your answer