Higa ka higa, Joneno mag Jehova bedoga ma mor timo Rapar kanyachiel. Jumbe moko matin ka pok odiechieng Rapar ochopo kod bang’ Rapar, wabedoga gi thuolo makende mag pako Jehova kendo goyone erokamano nikech mich mar rawar. (Ef 1:3, 7) Kuom ranyisi, warwakoga ji e Rapar gi chunywa duto. Jomoko bende timoga lokruoge moko ma dwarore e ngimagi mondo gibed jopainia makonyo ka gilendo kuom seche 30 kata 50 e dwe mar Mach kata April. Be diher lendo momedore e kinde Raparni? Ang’o ma nyalo konyi mondo chenro magi odhi maber?

Wanyalo timo gik mathoth ka wachano gik moko motelo. (Nge 21:5) Sani e monego wachak ikoree nikech kinde Rapar koro okayo. Par ane yore ma inyalo lendogo momedore e kinde Rapar, kod gik ma inyalo timo mondo ichop chenro ma iseketo. Kae to kwa Jehova mondo oguedh chenronino.​—1Jo 5:14, 15.

Gin ang’o ma inyalo timo mondo ilend kuom thuolo momedore e kinde Rapar?