Jehova dwaro ni joot obed ma mor. (Za 127:3-5; Ekl 9:9; 11:9) Kata kamano, mor ma wan-go nyalo lal nikech parruok mag pinyni kata nikech gimoro marach ma achiel kuom joodwa otimo. Ang’o ma ng’ato ka ng’ato nyalo timo mondo joot omed bedo ma mor?

Dichwo onego omi chiege duong’. (1Pe 3:7) Onego omany thuolo mar bedo kanyachiel kode. Ok onego oyie mondo chiege otim gik mohingo tekone kendo onyis ni omor gi gik ma chiege timone kaachiel gi nyithindgi. (Kol 3:15) Onego oher chiege kendo opake.​—Nge 31:28, 31.

Dhako onego omany yore ma onyalo konyogo chwore. (Nge 31:12) Obolrene kendo oriwe lwedo. (Kol 3:18) Owuo kode e yo mang’won kendo owuo maber kuome.​—Nge 31:26.

Jonyuol onego omany thuolo mar bedo kanyachiel gi nyithindgi. (Rap 6:6, 7) Ginyis nyithindgi ni giherogi. (Mat 3:17) Sama girieyogi, gitim kamano e yor hera kendo gi rieko.​—Ef 6:4.

Nyithindo onego omi jonyuolgi luor kendo onego giwinjgi. (Nge 23:22) Ginyis jonyuolgi pachgi kod kaka giwinjo e chunygi. Giyie mondo jonyuolgi oriegi.​—Nge 19:20.

NEURU VIDIO MA WIYE WACHO NI BEDURU MAMOR E ODU, KAE TO UDWOK PENJO MA LUWONI:

• Ang’o ma ng’ato ka ng’ato ne otimo mondo gimed bedo gi mor e odgi?