Gik ma dwaher timo e tij Nyasaye oriwo gimoro amora ma watimo mondo wamed tiyo ne Jehova gi chunywa duto kendo more. Gikonyowa mondo wadhi nyime timo dongruok e adiera kendo gin gik ma watimo gi thuolowa kod tekowa. (1Ti 4:15) Ang’o momiyo kinde ka kinde onego wanon gik ma dwaher timo e tij Nyasaye? Mano en nikech weche nyaloga lokore. Samoro chenro ma ne wan-go kinde mokalo koro ok nyalre, kata samoro wasechopo chenrono kendo nyalo dwarore ni waket chenro machielo.

Kinde maber mar nono gik ma dwaher timo e tij Nyasaye en ka higa manyien mar tijwa pok ochakore. Donge unyalo wuoyo e wi wachno e lamo maru mar joot kendo neno ka be ng’ato ka ng’ato kuomu nyalo bedo gi chenro mare owuon kata ka unyalo keto chenro kaka joot?

Gin chenro mage ma diher bedogo e kind ma luwogi, to gin okenge mage ma diher kawo mondo ichopgi?