E dwe mar Septemba, wabiro timo duto ma wanyalo mondo wakony ji ng’eyo ni Pinyruodh Nyasaye kende ema biro tieko ne dhano chandruok. (Mat 24:14) Ere kaka in bende inyalo riwo lwedo kampendno? E dweno, som ne ji mathoth kaka nyalore ndiko ma nyiso gima Pinyruodh Nyasaye biro timo. Ka po ni ng’at miwuoyogo orwako wach, miye Ohinga ma Jarito Na. 2 2020. Dog lime mapiyo kaka nyalore kendo ichak puonjruok kode ka itiyo gi brosua mar Inyalo Dak gi Mor Nyaka Chieng’! Jogo duto ma biro bedo jopainia makonyo biro yiero lendo kuom seche 15 kata 30 e dweno.

Pinyruodh Nyasaye chiegni tieko sirkende duto ma kwede. (Da 2:44; 1Ko 15:24, 25) Kuom mano, watiuru gi thuolo makendeni e nyiso ni wariwo Jehova lwedo kaachiel gi Pinyruodhe!