NGIMAWA KAKA JOKRISTO
Kaka Wanyalo Medo Lony e Tij Lendo—Puonjo ka Watiyo gi Vidio
GIMOMIYO MANO DWARORE:
Vidio nyalo mulo chuny jowinjo nikech gineno kendo giwinjo gik miwachonegi. Mano miyo wigi ok wil gi gik ma ginen kendo.—Tic 10:9-16; Fwe 1:1.
Vidio miluongo ni Be Nyasaye Nigi Nyinge?, Muma Owuok Kuom Ng’a?, kod Ang’o Momiyo Wanyalo Bedo Gadier ni Muma Owuok Kuom Nyasaye? konyo e medo lero somo mar 2 kod mar 3 e brosua mar Wach Maber. Vidio mag Ang’o Momiyo Onego Ipuonjri Muma?, Ere Kaka Wapuonjoga Ji Muma?, kod mar Ang’o ma Timorega e Kingdom Hall? jiwo ji mondo opuonjre kodwa Muma kendo jiwogi mondo gibi e chokruogewa. Bende, wanyalo tang’o ne joma wapuonjorego Muma vidio mamoko ma kawo thuolo malach.—km 5/13 3.
KAKA WANYALO TIMO MANO:
-
Inyalo golo vidio ma idwaro nyiso wuon ot kapok idhi lendo
-
Ik penjo achiel kata ariyo ma dwokogi yudore e vidiono
-
Neuru kode vidiono
-
Wuouru e wi puonj madongo ma yudore e vidiono
TEM TIMO MAE E DWENI:
-
Lok ng’e trakt moro amora kae to inyis ng’at ma ilendone code man kanyo ma nyalo tere e vidio mar Ang’o Momiyo Onego Ipuonjri Muma?
-
Nyis ng’at ma ilendone vidio mar Ang’o Momiyo Wanyalo Bedo Gadier ni Muma Owuok Kuom Nyasaye? Kae to ichiw brosua mar Wach Maber kendo iwuo machuok e wi somo mar 3
