Brosua mar Gin Jomage Matimo Dwaro mar Jehova e Kindegi, nolos mondo otigo sama wachako kata watieko puonjruok Muma gi japuonjre. * Somo 1 nyaka 4 konyo japuonjre ng’eyo ni Joneno mag Jehova gin jomage, somo mar 5 nyaka 14 konyogi ng’eyo tije mag Joneno, to somo mar 15 nyaka 28 konyogi ng’eyo kaka riwruok mar oganda Jehova tiyo. Kapo ni onge somo moro mochuno ni uwuoye, nyalo bedo maber ka unono somogo kaluwore gi kaka ochan-gi. Somo ka somo en mana pej achiel kende kendo nonogi nyalo kawo kind dakika abich nyaka apar.

• Jiw wich maduong’ mar somo ma udwaro nono moket e yor penjo

• Somuru weche manie bwo wijno te dichiel kata unyalo somo paragraf achiel achiel

• Wuouru kuom gik musomo. Ti gi penjo ma yudore piny mogik e pejno kod pichni. Yier ndiko ma ubiro somo kendo uwuo kuomgi. Jiw ni wiye matindo dwoko penjo manie chak somo

• Ka nitie sanduku mawacho ni “Yud Weche Momedore” someuru kanyachiel kendo jiw japuonjre otem timo gik mowach e sandukuno