GIMOMIYO MANO DWARORE: Ka jopuonjre mag Muma otimo ikruok, mano konyogi winjo tiend weche kendo paro gik ma wapuonjogi. Kaka gimedo winjo tiend weche kendo parogi e kaka gibiro timo dongruok mapiyo. Kata bang’ batiso, pod dwarore ni giik chokruoge kod kaka gibiro dhi lendo mondo ‘gisik ka gineno.’ (Mat 25:13) Omiyo, ka ging’eyo kaka ginyalo puonjore kendo bedo gi chenro maber mar puonjruok, mano biro konyogi e ngimagi duto. Dwarore ni wakony jopuonjrewa obed gi ng’iyo mar timo ikruok ne puonjruok sama wachako puonjruok Muma kodgi.

KAKA WANYALO TIMO MANO:

• Ket ranyisi maber. (Rum 2:21) Tim ikruok kaluwore gi chal mar japuonjreni. (km 11/15 3) Inyalo tang’one bugi miiko maber

• Jiwe mondo otim ikruok. Bang’ chako puonjruok, kony japuonjre mondo ong’e ni mondo puonjruok odhi maber nyaka otim ikruok maber, kae to ilerne ber mar timo kamano. Nyise kaka onyalo loso chenro maber ma biro konye yudo thuolo mar timo ikruok. Jolendo moko miyoga jopuonjre maggi bugegi ma giseiko sama gipuonjre, mondo japuonjre one ber mar timo ikruok. Pwoye seche motimo ikruok

• Nyise kaka onyalo timo ikruok. E kinde ma puonjruok chakore, jolendo moko tiyoga gi sula achiel mangima mondo ginyisgo japuonjre kaka onyalo timo ikruok