GIMOMIYO MANO DWARORE: Muofni mang’eny ok oheroga wuoyo gi joma ok ging’eyo. Kuom mano, dwarore ni wabed joma olony e ka walendnegi. Jehova ohero muofni. (Law 19:14) Wanyalo luwo ranyisine kuom konyo muofni mondo ging’eye.

KAKA WANYALO TIMO MANO:

• Many muofni. (Mat 10:11) Be ing’eyo ng’at moro ma watne en muofu? Be nitie skund muofni e alworau kata kuonde mamoko molos ne muofni ma diher bugewa ma lero Muma molos ne muofni?

• Nyis ni idewogi. Ka ihero ng’at ma muofu gadier kendo inyiso ni idewe, mano biro miyo obed thuolo kodi. Wuo kode e wi wach moro ma nyalo more

• Konygi yudo buge ma lero Muma. Mondo wakony joma muofni kata joma wengegi ok nen maber, riwruogwa oseloso buge e fomat mopogore opogore. Penj ng’at ma muofu kata ng’at ma ok nen maber ni doher puonjore kotiyo gi fomat mane. Jarit tij lendo onego one ni jakony tij buge ooro kwayo mar buge mag ng’at ma muofu e fomat modwaro