Gima notimore ne Jo-Israel e paw Moab nyalo puonjo Jokristo gik mathoth. (1Ko 10:6, 8, 11) Jo-Israel ma nochako mako osiep gi nyi Moab ma nohero timbe terruok kendo ma ne lamo nyiseche manono nodonjo e richo maduong’. Timgino nokelo masira malich ahinya. (Kwa 25:9) E kindegi, thoth joma watiyogo, joma wasomogo, jirendewa, wedewa, kod jomamoko ma wang’eyo ok gin joma lamo Jehova. Gima notimore ne Jo-Israel puonjowa ang’o e wi mako osiep gi joma kamago?

NEURU VIDIO MA WIYE WACHO NI RANYISI MA MIYOWA SIEM E KINDEGI​—BATH VIDIO, KAE TO UDWOK PENJO MA LUWOGI:

• En paro mane mobam ma Zimri kod jomamoko nong’ado ne Jamin?

• Ere kaka Finehas nokonyo Jamin mondo one weche e yo makare?

• Nitie pogruok mane e kind bedo mang’won gi ng’at ma ok lam Jehova kod mako kode osiep?

• Ang’o momiyo nyaka watang’ sama wayiero osiepe kata mana e kanyakla?

• Ang’o momiyo onego watang’ mondo kik watudre gi joma ok wang’eyo e itanet?