Mana joma timbegi ler kende e ma nyalo bedo osiepe Jehova. (1Pe 1:14-16) Sama jopuonjre Muma temo loyo timbe moko ma ok ler, mano nyalo miyo gidag gi kuwe gi joodgi, gibed gi ngima maber, kendo gikung pesa.

Ler ne japuonjre Muma timbe maler ma Jehova dwaro ni obedgo, gimomiyo Jehova dwaro ni obed gi timbego, kod ber moyudo sama obedo gi timbe maler. Kony jopuonjreni mondo gisik ka giparo gik mabeyo kinde duto nikech timo mano e ma biro miyo gibed gi timbe maler. (Ef 4:22-24) Jiwgi ni kokalo kuom kony ma Jehova chiwo, ginyalo weyo timbe moko mochido ma samoro gisebedogo kuom kinde malach. (Fil 4:13) Puonjgi mondo ging’e kaka ginyalo lamo Jehova ka gisaye mondo okonygi sama gigombo dok e timbe mochido. Konygi ng’eyo gik ma nyalo ketogi e tem mar dok e timbe mochido. Jiwgi mondo gitim gik mabeyo ma nyalo konyogi to ok gik ma nyalo hinyogi. Ibiro bedo ma mor sama ineno ka Jehova konyo jopuonjreni mag Muma mondo gitim lokruoge ma dwarore.

NEURU VIDIO MA WIYE WACHO NI, KONY JOMA IPUONJO MUMA MONDO GIWE TIMBE MA OK LER, KAE TO UDWOK PENJO MA LUWOGI:

• Ere kaka jodongo kaachiel gi Neeta nonyiso ni ne gigeno Jade?

• Ere kaka Neeta nomedo konyo Jade?

• Ere kaka Jade nomanyo kony mowuok kuom Jehova?