Oselosnwa vidio ang’wen ma wanyalo tiyogo e tij lendo. Ang’o momiyo ne olosgi?

• Ang’o Momiyo Onego Ipuonjri Muma?—Vidio Duto ne olos mondo omi joma walendonegi siso mar puonjruok Muma kata bed ni jogo oyie gi puonj mage. Ojiwo joma nene mondo gimany dwoko mag penjo madongo ma gin-go e Muma kendo ochiwo ranyisi mag penjo ma Muma chiwo dwokogi. Olero kaka ng’ato nyalo kwayo mondo opuonje Muma.

• Ang’o Momiyo Onego Ipuonjri Muma (vidio machuok) chalre achala gi vidio duto, en mana ni ochuok. Inyalo ti kode kuonde ma ji odichie ahinya kendo gionge thuolo malach mar wuoyo kodwa.

• Ere Kaka Wapuonjoga Ji Muma? ne olos mondo okony ji bedo gi siso mar puonjruok Muma, to bende odwoko penjo ma ji nyalo bedogo e wi kaka itimo puonjruok mar Muma moriwo nyaka kaka ng’ato nyalo kwayo mondo opuonje.

• Warwaki e Puonjruok Muma ne olos mondo onyis jopuonjre Muma. Kata obedo ni vidiono yudore e ite mar ariyo e bug Inyalo Dak gi Mor Nyaka Chieng’!, pod inyalo nyise kata sama ipuonjo ng’ato ka itiyo gi brosua mar Inyalo Dak gi Mor Nyaka Chieng’! Vidiono nyiso kaka olos bugno kod gik ma ng’ato geno puonjore e iye.

Kata obedo ni vidio ka vidio ne olos mondo okony e wach moro sie, pod inyalo tuggi sa asaya kendo orogi ne ji ka mano owinjore. Ijiwo jolendo duto mondo ging’e gik ma vidiogo wuoye kendo giti kodgi maber e tij lendo.