April 29–Mei 5
ZABURI 34-35
Wer 10 kod Lamo | Weche Michakogo (Dak. 1)
1. “Pak Jehova Kinde Duto”
(Dak. 10)
Daudi ne opako Jehova kata mana e kinde ma ne oromo gi pek moko (Za 34:1; w07-SW 3/1 22 ¶11)
Daudi nodendo Jehova, kendo ne ok opakore (Za 34:2-4; w07-SW 3/1 22 ¶13)
Yo ma Daudi nopakogo Jehova nojiwo jowetene (Za 34:5; w07-SW 3/1 23 ¶15)
Ka ne oseres Daudi e lwet Abimelek, chwo 400 ma ne ok mor gi loch mar Saulo nodhi ir Daudi e thim. (1Sa 22:1, 2) Nenore ni Daudi ne paro chwogo e kinde ma ne oloso zaburini.—Wi Zaburi 34.
PENJRI ANE KAMA: ‘Anyalo timo nang’o mondo apak Jehova sama awuoyo gi ng’ato e chokruok mar kanyakla mabiro?’
2. Puonj Manie Wach Nyasaye
(Dak. 10)
-
Za 35:19, weche moler piny—Ka ne Daudi okwayo Jehova mondo kik owe jowasike “osigre gi wengegi” mano tiende ang’o? (w06-SW 5/15 20 ¶2)
-
Somo mar Muma ma jumani opuonji wach mane?
3. Somo Muma
(Dak. 4) Za 34:1-22 (th somo 5)
4. Chako Mbaka
(Dak. 2) LENDO SAMA IN E DIJENI. Mbaka orumo kapok ilendo ne ng’ato. (lmd sula mar 1 point mar 4)
5. Dok Limbe
(Dak. 4) LENDO SAMA IN E DIJENI. (lmd sula mar 2 point mar 4)
6. Lero Yieni
(Dak. 5) Ranyisi. ijwfq 59—Wiye: Joneno mag Jehova ng’eyoga nade ka owinjore gitim nyasi moro? (th somo 17)
Wer 59
7. Yore Adek mag Pako Jehova e Chokruogewa
(Dak. 15) Wuoyo.
Chokruoge mag kanyakla miyowa thuolo maber mag pako Jehova. Ne ane yore moko adek ma wanyalo timogo kamano.
Mbaka: Wuo kuom ber mar Jehova sama igo mbaka gi jomamoko. (Za 145:1, 7) Be isewinjo kata somo wach moro ma nomori ahinya? Be nitie gimoro maber ma notimoreni sama ilendo? Be weche ma ng’ato nowachoni kata gik ma notimoni nojiwi? Be ne ineno chuech moro ma nomori? Magi duto gin mich mowuok kuom Jehova. (Jak 1:17) Chop e chokruok chon mondo iyud thuolo mar wuoyo gi jomamoko.
Chiwo paro: Tem mondo ichiw paro kata mana dichiel e chokruok ka chokruok. (Za 26:12) Inyalo chiwo dwoko ma achiel kachiel, inyalo wacho weche momedore, inyalo wuoyo e wi ndiko, picha, kata kaka wanyalo tiyo gi puonj moro. Nikech jomamoko bende biro ting’o badgi sama iting’o, omiyo ik paro mokalo achiel. Ji mang’eny biro yudo thuolo mar ‘chiwo ne Nyasaye misango mar pak’ ka ichiwo paro kuom sekond 30 kata matin ne mano.—Hib 13:15.
Wende: Wer wende mag Pinyruoth kimor. (Za 147:1) Samoro ok ibi yudo thuolo mar chiwo paro e chokruok kinde duto, to ahinya ahinya ka in e kanyakla maduong’, kata kamano, wer to oyaw ne ji te. Kata ka ineno ni ok in jawer maber, par ni sama itimo kar nyaloni, to imoro Jehova ndi! (2Ko 8:12) Inyalo tiegori wer ka pok idhi e chokruok.
Tug VIDIO Sigand Riwruogwa—Wer En Mich, Kare Mokwongo. Kae to ipenj jowinjo kama:
Ere kaka ne wanyiso ni wer en gima duong’ e kinde ma riwruogwa ma kindegi ne chakore?
8. Puonjruok Muma e Kanyakla
(Dak. 30) bt sula mar 9 ¶1-7, weche michakogo kare mar 3 kod sanduku e ite mar 70
