Sama wapuonjo ka wamor, mano miyo joma wapuonjo bende bedo mamor. Sama wamor, mano nyiso ni wamor gi wach ma walando bende. Wanyalo bedo mamor sama wapuonjo kata bed ni waa e oganda mane kata wan gi kido mage. (Rum 12:11) Ere kaka wanyalo timo mano?

Mokwongo, ng’e ni wach ma ipuonjo en wach maduong’ ahinya. In gi thuolo mar “lando wach maber e wi gik mabeyo!” (Rum 10:15) Mar ariyo, par kaka wach maber ma ilando biro konyo joma ilendonegi. Dwarore ni giwinj wach maber milando. (Rum 10:13, 14) Mogik, wuo gi ilo kitiyo gi ranyisi mag del kod wang’ e yo maber.

NEURU VIDIO MA WIYE WACHO NI, YUD MOR E TIJ LOKO JI OBED JOPUONJRE​—MED LONY MARI​—PUONJ KIMOR, KAE TO UDWOK PENJO MA LUWOGI:

• Ang’o momiyo mor mar Neeta nochako dok chien sama nopuonjo Jade?

• Ang’o ma nokonyo Neeta bedo mamor kendo?

• Ang’o momiyo onego waket pachwa kuom kido mabeyo mag joma walendonegi?

• Puonjo ka wamor konyo nade jopuonjrewa mag Muma?