Hera ma waherogo owetewa miyo wabedo gi geno ni gibiro timo yiero mabeyo. (1Ko 13:4, 7) Kuom ranyisi, ka owadwa moro otimo richo ma omiye kum, wageno ni obiro yie mondo kumno okonye mondo olok timbene. Wahore gi joma yiegi yom yom kendo watemo konyogi. (Rum 15:1) Sama ogol ng’ato e kanyakla, pod wabedo gi geno ni chieng’ moro obiro duogo.​—Luk 15:17, 18.

NEURU VIDIO MA WIYE WACHO NI, PAR GIMA HERA EN​—OBEDO GI GENO KUOM WECHE DUTO, KAE TO UDWOK PENJO MA LUWOGI:

• Ang’o momiyo Abner noloko pache mochako makore gi Daudi?

• Daudi noneno nade kwayo mar Abner, to nade Joab?

• Ang’o momiyo onego wagen ni owetewa biro timo gik mabeyo?