NGIMAWA KAKA JOKRISTO
Tang’ gi Joma Ong’anyo ne Adiera
Kinde mang’eny, Satan gi joma luwe kikoga miriambo gi adiera mondo giduokgo yiewa chien. (2Ko 11:3) Kuom ranyisi, Jo-Asuria nowacho adiera ma nus-nus kod miriambo mondo ginyosgo chuny jotich Jehova. (2We 32:10-15) Joma ong’anyo ne adiera bende tiyoga gi yorno. Onego wane nade puonj mag joma ong’anyo ne adiera? Onego wanegi kaka sum! Kik wasom wechegi, kik wadwokgi, kendo kik wanwo wechego. Tem matek mondo ifweny mapiyo weche ma nyalo miyo ibed gi kiawa kuom Jehova kod riwruok mar ogandane kendo ikwed wechego mapiyo kaka nyalore!—Juda 3, 4.
NEURU VIDIO MA WIYE WACHO NI ‘KED MATEK NE YIE’!—BATH VIDIO, KAE TO UDWOK PENJO MA LUWOGI:
-
Ang’o momiyo onego watang’ sama watiyo gi kuonde ma ji chiwoe pachgi e intanet?
-
Ere kaka wanyalo luwo siem ma yudore e Jo-Rumi 16:17?
