Mano en Muma Mane? En Muma mar Loko mar Piny Manyien molos e yo miwinjo. Ilose mos mos e dhok mang’eny kaka nyalore. Gima ber gi Mumani en ni oti gi dwol mopogore opogore sama joma iwuoyo kuomgi e Muma wuoyo. Osom weche gi dwol mowinjore kod chuny ma dwarore mondo okonywa winjo tiend wach Nyasaye e yo makare.

Ere kaka Mumani osekonyo jomoko? Ji mathoth ma winjo Muma momaki ohere ahinya nikech mano konyogi neno gik miwuoyoe e Wach Nyasaye e yo madier. Sama giwinjo dwol mopogore opogore mag josomo, mano konyogi neno gik ma timore e Muma e yo maber kendo mano miyo gimedo winjo tiend gik mondik e Muma e yo maler. (Nge 4:5) Ji mang’eny bende neno ni winjo Muma momaki hoyo chunygi sama gin gi parruok.​—Za 94:19.

Winjo kisomo Wach Nyasaye gi dwol nyalo mulo ngimawa. (2We 34:19-21) Ka nitie Muma miwinjo kata buge moko mag Muma miwinjo e dhok minyalo winjo, donge nyalo bedo maber ka ichako winje pile ka pile?

NEURU VIDIO MA WIYE WACHO NI KAKA ILOSO MUMA MIWINJO​—BATH VIDIO, KAE TO UDWOK PENJO MA LUWONI:

Ang’o ma mori ahinya gi Muma miwinjo?