Lendo sama ng’ato nie dijene en achiel kuom yore mag lendo ma kelo nyak maber kod mor. Kata kamano, pod wanyalo bedo maluor ka waparo chako lendo ne ng’ato e yo ma kamano to ahinya ahinya ka waketo pachwa e gima wabiro wacho mondo eka wasomne Ndiko. Kar mondo waparre ahinya e wi gima wabiro wacho mondo walendne, wanyalo temo nyiso ni wadewe. (Mat 22:39; Fil 2:4) Ka thuolo oneno mar lendo ne ng’ato sama isechako wuoyo kode, nitie gige tich mathoth minyalo tiyogo.

Ere kaka gige tich ma luwogi nyalo konyi mondo ilend ne ng’ato sama ugoyo kode mbaka?

NEURU VIDIO MA WIYE WACHO NI “NYINYO PIAGO NYINYO”​—CHAKO MBAKA GI JI, KAE TO UDWOK PENJO MA LUWONI:

Gin okenge mage adek ma nyalo konyowa medo lony e chako mbaka gi ji?