5:5-7, 11

Dhier ne ok nyal mono ng’ato ang’ata e piny Israel loso kuwe gi Jehova. Kata mana ng’at modhier mogik e piny Israel pod ne nyalo golo ne Jehova chiwo ma noyiego, tek mana ni nogolo gima ber mogik ma ne en-go. Ne ginyalo golo “mogo mayom” ma ne gitiyogo e rwako welo modhial, to Jehova pod ne yiego. (Cha 18:6) E ndalowagi bende, Jehova pod oyie gi ‘misango mag pak’ ma wachiwone gi chunywa duto, kata bed ni wan e chal mane.​—Hib 13:15.

Ere kaka wachni nyalo jiwi ka po ni sani ok inyal timo gik moko kaka ne itimo chon, samoro nikech tuo moro, kata nikech tekoni sani odok chien?