Nyimine konyo ahinya e tij Pinyruoth. (Za 68:11) Gitayo jopuonjre mathoth mag Muma kendo thoth jopainia mapile gin nyimine. Nyimine mang’eny gin jo Bethel, jomisonari, moko konyo e tij gedo, to moko bende tiyo tij loko dhok. Nyimine motegno jiwo joutegi kendo jiwo kanyakla. (Nge 14:1) Kata obedo ni nyimine ok nyal bedo jodong-kanyakla kata jokony-tich, pod ginyalo bedo gi chenro mag gik ma gidwaro timo e kanyakla. Ka in nyaminwa, gin gik mage ma inyalo timo?

• Nyag kido mabeyo mag Jokristo. ​—1Ti 3:11; 1Pe 3:3-6

• Kony nyimine ma nie kanyakla ma pod onge gi lony.​—Tit 2:3-5

• Tem lendo kuom seche momedore kendo itim kinda mondo ibed gi nyak

• Puonjri dhok machielo

• Inyalo dhi lendo kama jolendo dwaroree ahinya

• Pong’ fom mar dhi tiyo e Bethel kata gero kuondewa mag lamo

• Pong’ fom mar dhi e Skul mar Joland-Injili mar Pinyruoth

NEURU VIDIO MA WIYE WACHO NI “MON MA TIYO MATEK E TIJ RUOTH,” KAE TO UDWOK PENJO MA LUWONI:

• Weche ma nyiminewago owacho ojiwi nade?