NGIMAWA KAKA JOKRISTO
Gik ma In-go Sani Mondo Oromi
Sama wan gi gige ringruok matin, wanyalo donjo e tem mar timo gik ma nyalo ketho winjruokwa gi Nyasaye. Kuom ranyisi, wanyalo yudo thuolo mar loso pesa mang’eny ka konchiel to omayowa thuolo mar timo gik ma konyowa tego winjruokwa gi Nyasaye. Paro matut weche ma nie Jo-Hibrania 13:5 nyalo konyowa.
“Kik ubed jo mohero pesa”
-
Lem kae to ipar matut paro ma in-go e wi pesa kendo ipar ranyisi ma iketo ne nyithindi.—g-SW 9/15 6.
“Ubed jo ma gik ma un-go sani romou”
-
Non paro ma in-go e wi gik ma udwaro gadier.—w16.07 7 ¶1-2.
“Ok anaweu, kendo ok anajwang’u”
-
Bed gadier ni Jehova biro konyi mondo iyud gik mochuno e ngima ka iketo Pinyruoth obedo mokwongo.—w14 4/15 21 ¶17.
NEURU VIDIO MA WIYE WACHO NI KAKA OWETEWA DHI NYIME BEDO GI KUWE KATA OBEDO NI GIN GI PEK MAG YUTO, KAE TO UDWOK PENJO MA LUWONI:
Ranyisi mar Miguel Novoa opuonji ang’o?
