NGIMAWA KAKA JOKRISTO
Un Rowere—Be Jehova e Osiepu Maduong’?
Gin kido mage ma diher ni osiepni obedgo? En adier ni diher ni obed ng’at ma makore kodi, ng’at mang’won, kendo ma jachiwo. Jehova nigi kidogo duto. (Wu 34:6; Tic 14:17) Ochiko ite sama iwuoyo kode e lamo. Okonyi sama idwaro kony. (Za 18:19, 35) Oweyoni richoni. (1Jo 1:9) To mano kaka Jehova en Osiep maber!
Ere kaka inyalo mako osiep gi Jehova? Puonjri Muma mondo ing’eye maber. Nyise gik ma nie chunyi. (Za 62:8; 142:2) Kaw mapek gik ma Jehova ogeno ahinya kaka, Wuode, Pinyruodhe, kod gik mosingo e kinde mabiro. Wuo gi jomamoko e wi Jehova. (Rap 32:3) Ka imako osiep motegno gi Jehova, obiro bedo osiepni nyaka chieng’.—Za 73:25, 26, 28.
NEURU VIDIO MA WIYE WACHO NI, ROWERE—‘BILURU MONDO UNE KAKA JEHOVA BER,’ KAE TO UDWOK PENJO MA LUWOGI:
-
Ere kaka inyalo ikori mondo ichiwri ne Jehova kendo mondo obatisi?
-
Ere kaka jo kanyakla nyalo konyi mondo iti ne Jehova?
-
Ere kaka tij lendo tego osiep ma nie kindi gi Jehova?
-
Osiep e kindi gi Jehova nyalo siko nyaka chieng’!
Gin migepe mage ma inyalo tiyonee Jehova?
-
En ang’o ma mori ahinya e wi Jehova?
