Yesu nolando “wach maber mar Pinyruodh Nyasaye.” (Luk 4:43) E wi mano, nopuonjo ji mondo olem mondo Pinyruodhno obi. (Mat 6:9, 10) E dwe mar Novemba, wabiro timo duto ma wanyalo mondo waland Pinyruodh Nyasaye. (Mat 24:14) Los chenro chon mondo ibi iti gi thuolo malach e timo kampen. Jogo duto ma biro bedo jopainia makonyo biro yiero lendo kuom seche 30 kata 50 e dweno.

Som ndiko ma wuoyo e wi Pinyruodh Nyasaye ne ji mang’eny kaka nyalore. Sama iyiero ndiko ma idwaro somo, ket e paro ni joma isomonegi ndikono lemo e dinde mage. Ka ng’ato orwako wach e limbe mokwongo, wene Ohinga mar Jarito Na. 2 2020. Dog lime mapiyo kaka nyalore kae to ichak puonjruok kode ka itiyo gi achiel kuom gik mwatiyogo e puonjo ji Muma. Odong’ mana kinde matin to Pinyruodh Nyasaye ketho sirkende duto ma kwede. (Dan 2:44; 1Ko 15:24, 25) Kuom mano, watiuru gi thuolo makendeni mondo wanyis ni wariwo Jehova lwedo kaachiel gi Pinyruodhe!