E dwe mar Novemba, wabiro timo kinda mar lando wach maber ni piny manyien okayo machiegni. (Za 37:10, 11; Fwe 21:3-5) Tim chenro sani mondo ibi itim kampen e okang’ malach. Ka ibedo painia makonyo e dweno, inyalo yiero mar lendo kuom seche 30 kata 50.

Ikri somo ne ji mathoth kaka nyalore ndiko ma wuoyo e wi piny manyien. Sama iyiero ndiko ma idwaro somo ne ji, tem nono ndiko ma nyalo chopo e chuny joma odak e alworau. Ka ng’ato oyie chiko ite e limbe mokwongo, miye Ohinga mar Jarito Na. 2 2021. Kae to, dog ilim ng’atno mapiyo kaka nyalore kendo tem chako puonjruok Muma kode ka itiyo gi brosua mar Inyalo Dak gi Mor Nyaka Chieng! To mano kaka en gima kelo mor lando “wach maber e wi gimoro maber moloyo”!​—Isa 52:7.

NEURU VIDIO MAR WER MAKENDE MA WIYE WACHO NI PINY MANYIEN MA WARITO, KAE TO UDWOK PENJO MA LUWOGI:

• En ngima mane maber ma biro betie e kinde ma biro ma nyako matinno paro?

• Gin gik mage ma biro timore e piny manyien ma irito gi siso?

• Ere kaka paro matut e wi gik ma irito gi siso e kinde ma biro nyalo konyi mondo itim kampen e yo malach e dwe mar Novemba?​—Luk 6:45