TIEGRI NE TIJ LENDO | MED MOR MARI E TIJ LENDO
Ti gi Gige Timo Nonro
Jehova osemiyowa gige tich kaka vidio, trakt, gasede, brosua, buge, kod Muma ma en gir tich maduong’ ma wan-go, mondo wapuonj e yo mong’ith. (2Ti 3:16) E wi mano, osemiyowa gige timo nonro ma konyowa lero tiend Ndiko. Mago oriwo Watchtower Library, JW Library®, LAIBRARI MAR INTANET™, kod Buk Makonyo Joneno mag Jehova e Timo Nonro.
Ibiro bedo mamor sama itiyo gi gige tichgo e timo nonro matut e wi gik ma ipuonjori e Muma. Tieg jopuonjreni bende mondo ong’e tiyo kodgi. Gin bende gibiro bedo mamor ka giyudo dwoko ma Muma chiwo e wi penjo ma chandogi.
NEURU VIDIO MA WIYE WACHO NI, YUD MOR E TIJ LOKO JI OBED JOPUONJRE—TI GI KONY MA JEHOVA MIYOWA—GIGE TIMO NONRO, KAE TO UDWOK PENJO MA LUWOGI:
-
En wach mane ma Jade ne ok oyiego e wi chuech?
-
Neeta notimo nonro kanye e wi wach ma ne chando Jade?
-
Yudo weche mabeyo manie Wach Nyasaye kendo nyiso jomamoko wechego miyo wabedo mamor
Ere kaka noyiero weche ma ne owinjore gi Jade?
-
Tiyo gi gige timo nonro nomiyo Neeta owinjo nade?
