TIEGRI NE TIJ LENDO | MED MOR MARI E TIJ LENDO
Yie gi Kony ma Jotich Weteni Miyi
Jehova omiyowa “riwruok mar owete e piny ngima” mondo okonywa. (1Pe 5:9) Ginyalo konyowa mondo wanyagre maber gi pek ma waromogo e tij lendo. Kuom ranyisi, jaote Paulo noyudo kony kowuok kuom Akula gi Priskila, Sila, Timotheo, kod jomamoko.—Tic 18:1-5.
Ere kaka jotich weteni nyalo konyi e tij lendo? Ginyalo ng’adoni rieko ma nyalo konyi loyo akwede, ginyalo konyi timo dok limbe, kaachiel gi chako puonjruok mar Muma kata tayo. Tem ane paro owadwa kata nyaminwa moro e kanyaklau ma nyalo konyi maber kae to iwuo kode. Onge kiawa ni timo kamano biro konyou uduto kendo ubiro bedo ma mor.—Fil 1:25.
NEURU VIDIO MA WIYE WACHO NI, YUD MOR E TIJ LOKO JI OBED JOPUONJRE—TI GI KONY MA JEHOVA MIYOWA—OWETEWA, KAE TO UDWOK PENJO MA LUWOGI:
-
Ere kaka Neeta notemo jiwo Jade mondo obi e chokruoge mag kanyakla?
-
Ang’o momiyo ber ka wadhi gi jolendo mamoko sama wadhi tayo japuonjre mar Muma?
-
Konyo ng’ato mondo obed japuonjre Yesu en tij kanyakla duto
En ang’o ma ne chalre kuom Jade gi Abigay?
-
Gin weche mage ma nyalo konyi e tij lendo ma inyalo puonjori kuom jolendo mamoko?
