Nitie kinde ma ng’ato nyalo winjo ka chunye onyosore. Sama ng’ato chunye onyosore kamano, ok nyis ni winjruokne gi Jehova odok chien. Nitie kinde ma Jehova bende winjoga malit. (Cha 6:5, 6) To nade ka chunywa siko nyosorega ahinya kinde ka kinde?

Kwa Jehova mondo okonyi. Jehova dewo ahinya kaka wawinjo e chunywa kod pachwa. Ong’eyo sama wamor kod sama chunywa onyosore. Ong’eyo kaka wawinjo kod kaka waparo. (Za 7:9b) To Maduong’ie moloyo, Jehova dewowa kendo oikore konyowa sama chunywa onyosore.​—Za 34:18.

Rit pachi. Sama chunywa onyosore, ok wabi bedo ma mor kendo osiep manie kindwa gi Jehova nyalo dok chien. Mano e momiyo onego warit chunywa ma iye.​—Nge 4:23.

NEURU VIDIO MA WIYE WACHO NI KAKA OWETEWA DHI NYIME BEDO GI KUWE KATA OBEDO NI GINYAGORE GI TUO MAR DEPRESSION, KAE TO UDWOK PENJO MA LUWOGI:

• Gin ang’o ma Nikki notimo mondo okonye nyagore gi tuo mar depression?

  Dwokoni

• Ang’o momiyo Nikki noneno ni ber mondo odhi osiptal?—Mat 9:12

  Dwokoni

• Gin yore mage ma Nikki nonyisogo ni ogeno Jehova mondo okonye?

  Dwokoni